ஓர் கனவு : விடியல்

அதிகாலை சூரியன் சோம்பல் முறிக்க;
மணலின் துயில் களையாமல்
கடல் காற்று வீச;
உறங்காத கிரக்கத்தில்
கடல் அலைகள் பாதம் நனைக்க;
நண்டுகள் தம் துளை விட்டு
நம் வரவை எட்டி பார்க்க…

குளிரை விரட்ட
மௌனத்தை இறுக்க
போர்த்திக் கொண்டு;
இதழ்கள் சேர்த்து , விரல்கள் கோர்த்து
முடிவு தெரியாத கடல் கரையின்
முடிவைத் தேடும் நடையில்
பல யூகம் வாழ்கிறோம்
அந்த ஒரு விடியலில்
நாம்.

ஷேக் அப்துல்லா